Notisia

Willemstad – Kambio di klima ta un krisis serio i indiskutibel pa henter nos sivilisashon. E efektonan di kambio di klima ta birando mas visibel i lo ta algu katastrófiko si nos no aktua awor. E tema pa Dia Mundial di Meteorologia 2024 ta ‘Na frontera di kambio di klima’.

Dia 23 di mart 1950 ta dia ku a establesé e Organisashon Mundial di Meteorologia ‘The World Meteorological Organization’ (WMO). Riba e fecha aki ta mustra e kontribushon vital di servisio meteorológiko pa loke ta seguridat i bienestar di nos komunidat.

Riba e dia Mundial Meteorologiko, Minister Cooper ta ya danki na tur empleado ku ta laborá na Servisio Meteorológiko Kòrsou (Meteo) ku vigilá e nos region pa wer ekstremo i asina asisti aviashon, sektor marítimo, i publiko general. Ademas e departamentu di klima di Meteo ta hasi estudionan pa kambio di klima, i e departamentu tékniko ku ta hasi mantenshon na infrastruktura i sistema di monitoreo.

Minister Cooper ta gradisí i deseá Dr. Albert Martis, Direktor di Meteo i tur empleado di Meteo, i ta konta ku nan pa sigui ku e trabou di monitoriá i avisá nos kominudat tokante tur e trabounan na nivel nashonal, regional i internashonal di Meteo.

E meta di desaroyo duradero (SDG) nr. 13 kual ta akshon klimatologiko, ta pa komprometé paisnan pa tuma akshon urgente pa kombatí kambio di klima i su impaktonan. Progreso den e meta aki ta forma e base den varios di e otro SDG’s.

WMO, huntu ku su miembronan, ta traha pa promové e siklo kompleto di balor, for di siensia pa akshon, pa benefisio di nos komunidat. E trabounan aki tin un importansia grandi pa nos sosiedat, manera entre otro: Redusí hamber i pobresa; Mehorá salú i bienestar; Sigurá awa limpi i pagabel i energia limpia; Protehá bida bou di awa i riba tera; Hasi nos pais i komunidat mas adaptabel pa kambio di klima.