DIA MUNDIAL SIN TABAKO 2018 I SU RELASHON KU MALESA DI KURASON - Informashon tokante Gobièrnu di Kòrsou Bo opinion

Notisia

DIA MUNDIAL SIN TABAKO 2018 I SU RELASHON KU MALESA DI KURASON

Geplaatst op 31 May 2018 dor di Ministerio Salubridat Públiko, Medio Ambiente i Naturalesa

WILLEMSTAD – Dia 31 di mei, mundu, pero nos aki na Kòrsou tambe ta para ketu na un dia sin tabako. E ta probá ku tabako ta un dje kousantenan di morto prematuro den nos mundu. E kímikonan ku tin den un sigariya ta hasi daño na kurpa di hende.

E tema ku lo focus awe riba Dia Mundial sin Tabako 2018 ta e relashon di Tabako i  malesa di kurason. Intenshon ta pa e kampaña bai hiba na alsa e konsiensia di esaki.

Mester wak e relashon entre tabako, e kurason i e otro ,malesanan kardiovaskular, inkluyendo ataka, ku kombiná ta e kousa mayor di morto. Mester tuma akshonnan ku por ser midí kaminda ta informá oudiensianan klave, inkluyendo Gobièrnu i públiko kon por redusí e rísiko di haña malesa di kurason okashoná pa tabako.

Kon tabako ta okashoná daño ta e kurason mundialmente

Dia Mundial sin Tabako 2018 ta pone atenshon riba e impakto ku tabako tin riba e salu kardio vaskular di hende mundialmente.  Uso di tabako ta un faktor riskante pa desaroyo di e asina yama “coronary heart disease”, ataka i “peripheral vascular disease”.

Malesa kardio vaskular ta mata mas hende ku kualkier otro kousa di morto mundialmente. Uso di tabako i tambe esnan ku ta kai bou di humamentu di segunda mano, ta kontribuí aproksimadamente na 12% di morto di malesa di kurason. Uso di tabako ta e kousa prinsipal, despues di preshon haltu.

E epidemia global di tabako ta mata mas ku 7 mion hende tur aña, di kua  serka di 900 mil hende ta esnan ku no ta humadó ku ta fayesé komo esnan ku ta huma di segunda mano. Kasi 80% di e mas ku 1 bion hendenan ku ta huma na mundu ta biba den paisnan ku tin entradanan abou o promedio i aki e malesa relatá ku morto dor di tabako ta mas haltu.

Aki na Kòrsou tambe nos mester bira konsiente riba uso di tabako. Ta proba ku uso di tabako no ta bon pa e kurpa humano, pero sigur  awor ku estudionan a mustra e relashon di e humamentu ku ta afektá kurason.

Ministerio di  Salu, Medio Ambiente i Naturalesa ta hasi un apelashon na tur hende aki na Kòrsou ku ta huma, pa awe partisipá na e kampaña ¨pa keda un dia den aña sin huma.

 

Ministerio konserní