Publiká riba 08 Yüli 2020
WILLEMSTAD – Servisio pa Obra Públiko (OW) ta partisipá ku tin diferente lus di tráfiko riba Schottegatweg Noord ku ta for di servisio. Esakinan ta e lusnan na e krusadanan Schottegatweg Noord / Wilhelminalaan, Schottegatweg Noord / Gosieweg, i Schottegatweg Noord / Kaya Wladimir “Coco” Balentien.
Motibu pa esaki ta ku tin lampinan ku a kima i ta kousa ‘storing’. OW ta trahando pa remediá e situashon mas pronto ku ta posibel. OW ta pidi komunidat pa kore ku èkstra koutela na e krusadanan aki pa evitá aksidente.
