Publiká riba 17 Novèmber 2023
Diskurso di Minister Charles Cooper na okashon di inougurashon di Cpost Cargo Warehouse – 16 Novèmber, 2023:
1. Bon Bini i Rekonosimentu:
Bon bini i saludo kordial na tur e invitadonan distinguí́. Un rekonosementu special ta bai pa Sr. Alberto Campo di Tech Cargo ku a bini direktamente for di Miami.
2. Importansia di e Evento:
– Nos tei awetardi pa realisá apertura di e lots di Cpost International N.V. ku ta un kompania di gobièrnu ku ta kai bou di mi kartera komo minister.
– Ku apertura di e lots aki, ta muestra ku Cpost ta kere i konfia den e merkado lokal primeramente pero tambe den e merkado internashonal.
3. Ròl di Cpost Cargo:
– E mundu postal pa basta aña kaba a bin ta kambiando e forma kon organisashonnan postal rònt mundu ta funshoná. Esaki ta debí ku volúmennan di karta ta bahando drástikamente i esaki ta relashoná ku e forma kon nos komo individuo òf negoshi ta komunikando ku otro.
– Tradishonalmente lo bo no ferwagt di un pòstkantor (manera yamá den boka di pueblo) ku lo ta envolví den e mundu di karga. Pero e desaroyonan di avansenan teknológiko ku ta afektá nos forma di komuniká (entre otro medionan sosial) a kondusí ku Cpost mester a evaluá i ahustá su manera di hasi negoshi.
– Cpost Cargo tei pa sirbi i fasilitá e sektor logístiko na Kòrsou i hasiendo esaki ta ta dunando su kontribushon na nos ekonomia.
4. Impakto Ekonómiko:
– E perspektiva di Cpost ta pa generá un impakto positivo pa ekonomia, inkluyendo e potensial pa kreamentu di trabou, i mehorashon di servisio pa empresanan i klientenan, no solamente pa Kòrsou pero tambe e demas islanan den region.
5. Vishon pa Futuro:
– Un di e metanan di Gobièrnu ta pa fasilitá komersio.
– Ku e akto aki di inougurashon di e lots di Cpost (ku por sierto ta un kompania 100% di gobièrnu), nos komo gobièrnu ta kontribuyendo na e meta alkansá.
6. Konklushon di e spich:
– Finalmente, mi ke rekonosé e maneho di Cpost bou di guia di Sr. Jervhes Josephia, pa su vishon y liderazgo. Adishonalmente, mi ke yama pabien na staf i personal di Cpost International
N.V.
