Diskurso Promé Minister Eugene Rhuggenaath Dia di Bandera 2018 - Informashon tokante Gobièrnu di Kòrsou Bo opinion

Notisia

Diskurso Promé Minister Eugene Rhuggenaath Dia di Bandera 2018

Geplaatst op 02 July 2018 dor di Ministerio Asuntunan General i Promé Minister

 

“Zijne Majesteit Koning Willem-Alexander, Hare Majesteit Koningin Máxima, excellenties, wij verwelkomen U graag in ons midden op deze bijzondere dag waarop wij onze vlag eren. Rei i Reina, bon biní mei mei di nos!!

Sta mij toe om even in het papiaments te continueren…

Dignitarionan, Pueblo di Kòrsou: Felis Dia di Bandera i bon simán!
E deseo di un bon siman ta algu típiko i bunita di nos ku ta Yu di Kòrsou. Un gesto asina chikitu ku por pone un sonrisa riba un hende su kara. Asina nos tin hopi kos úniko, ku ta demostrá ku nos grandinan a duna nos un herensia riku pa ta un pueblo digno i orguyoso di su mes, .. su isla i su potensial.

Awe nos ta selebrá ku #huntu nos ta karga e mesun bandera.
Awe, mas ku otro dia, nos ta selebrá nos union en grande bou di e bunitesa di nos símbolo nashonal. Alabes mi kier boga pa tur dia nos kòrda riba e motibunan ku tin pa nos ta orguyoso di nos pais i pa nos apresia otro. Pa nos realisá kuantu emoshon positivo nos ta fomentá ku aktonan ku ta engrandesé nos konbibiensia, manera e emoshon positivo di e simpel 2 palabranan ‘bon siman’. Awe riba nos dia, nos ta tira lus riba algun heroe invisibel pa nan positivismo inkansabel i trabou impagabel na benefisio di nos sosiedat; nos barionan, nos skolnan, nos famianan.

Un danki di kurason i pabien ku e krus di merito!
Tambe nos ta saludá nos streanan ku ta hasi nos orguyoso riba tarima mundial ku nan dedikashon, nan profeshonalismo i nan logronan. Den boso afan, boso a pone nos tur bria den mundu. .. Danki!

Awe e selebrashon aki tambe ta dibo!
Tur suidadano ku ta wak pa dilanti ku perseveransha, ku ta duna balor na su trabou kualke sea su profeshon, ku ta determiná na sigui kontribuí su granito pa e progreso ku nos tur ta anhelá, awe e selebrashon aki tambe ta dibo!

  • Abo, mama di Otrobanda ku ta kuida bo yunan i yunan sin doló,
  • Abo,kunukero di Banda Riba ku ta mantené bo kunuku pa nutri nos
  • Abo, artistana Banda Bou ku ta yena nos bida ku koló i inspirashon
  • Abo, hóben ku ta invertí den bo mes pa tuma e batuta di liderazgo den futuro.

Mi ke gradisi boso  i enkurashá boso pa sigui hasi loke bo ta hasiendo!

Nos pais ta pasando den momentunan di reto 
Mientras mundu ta kambiando ku spit di lus, nos tambe ta keda presentá ku un realidat sunú. Ta un bèrdat ku nos pais ta pasando den momentunan di reto enorme, pa un pais chikí den desaroyo.

Tur dia mi ta enfrentá realidatnan ku ta hopi preokupante i demas miembronan di mi gabinete ta kompartí e preokupashon akí .. i ta traha pa aportá ku solushonnan duradero. Até palabra: duradero. Mar’é adelanto por bini di awe pa mañan. Pero manera nos sá:

  1. ningun gloria , ningun inovashon ta bini sin lucha i fayo;
  2. nos por progresá únikamente ku konfiansa i esfuerso dediká  i
  3. nos mester di otro su sosten i kolaborashon.

kambia reto den posibilidat
Ta ora pa nos tur hasi loke kada bon yu di tera ta hasi: lora manga i dal pasonan firme pa kambia reto den posibilidat i krea oportunidat nobo sin keda paralisá pa miedu di kambio, kritika òf frustrashon.

Awor mas ku nunka, tin ku hasi uso di nos kapasidat individual i kolektivo, pa NOS – abo i ami – skibi e siguiente página di NOS historia.

Desaroyo den e mundu ku nos ta biba aden ta posibel únikamente ku kolaborashon. Nos a skohe pa tin e privilegio di ta parti di Reino Ulandes den kua nos por kolaborá ku otro pais.

Tin un futuro briante ta vislumbrá na horizonte
Ku presensia di Su Mahestat i su Altesa, pèrmití ’mi dirigí algun palabra i presentá un regalo ku ta manifestá e konvikshon ku no opstante awanan brutu ku ta asotá nos, tin un futuro briante ta vislumbrá na horizonte.

________________________

Zijne en Hare Majesteit.

Wij waarderen het van harte, dat U met Uw aanwezigheid Uw bewogenheid toont met de volkeren die samen een sterk en hecht Koninkrijk der Nederlanden vormen.

De Curaçaose gemeenschap staat op een belangrijk kruispunt in ons emancipatietraject, waar wij veel uitdagingen het hoofd moeten bieden. Mijn boodschap was net ook, dat het aan ons is om de krachten te bundelen binnen ons land om ons potentieel te ontplooien ten behoeve van de welzijn van alle burgers. Wij zijn vastberaden om een toekomst te creëren waar een ieder zich met trots Yu di Kòrsou (Kind van Curaçao) kan noemen en met gemak als burger van ons Koninkrijk in de wereld kan staan. 

Wij bieden u hierbij een aandenken aan deze dag. Dit schilderij staat voor de kracht van Curaçao, ons parel in de Caribische zee, die soms door de metaforische ruwe golven geteisterd wordt, maar toch voor altijd zal blijven stralen. Gemaakt door de lokale artiest Giovanni Abath wiens, kunstwerk over onze ‘geschiedenis in beweging’ gisteravond werd onthuld.

Ik hoop dat U, net zoals ik en de rest van onze gemeenschap, ten volste zult genieten van deze mooie dag en ik bedank u nogmaals namens heel Curaçao”

Kòrsou, laga nos bandera ta e inspirashon i guia den nos kaminda pa krea e Kòrsou próspero.

Bon simán i felis Dia di Bandera!

Ministerio konserní