Publiká riba 09 Mei 2019
Djaluna, 13 di mei 2019, ofisinanan di Ministerio di Tráfiko, Transporte i Planifikashon Urbano lo ta sera parti mainta!
Willemstad- Ministerio di Tráfiko, Transporte i Planifikashon Urbano (VVRP) ta partisipá ku enkonekshon ku un seshon informativo pa su personal e ofisinanan lo ta sera djaluna, 13 di mei 2019, di 10 or di mainta pa 12 or di mèrdia. Despues di 12 or di mèrdia e servisio lo ta manera kustumber atrobe.
Servisionan ku no ta aksesibel den e Ministerio di VVRP ta :
1. Servisio pa Planifikashon Urbano (ROP)
2. Servisio pa Obra Públiko (OW)
3. Domeinbeheer
Tuma nota ku servisio di Tráfiko i Transporte Públiko (Keuringslokaal) si ta habri normal pa kùr vehíkulo i atende klientenan manera kustumbra.
Minister Jesus-Leito huntu ku e Ministerio di VVRP ta pidi su diskulpa pa kualke inkumbinensia ku esaki por a trese i ta gradesí pe komprenshon.