Publiká riba 10 Mei 2019
WILLEMSTAD- Ministerio di Desaroyo Ekonómiko (MEO) ta partisipá pa medio di e komunikado aki ku djaluna awor dia 13 di mei su ofisina lo ta sera pa públiko parti mainta.
Personal di MEO a keda invitá pa partisipá na un seshon informativo ku a keda organisá na interes di e personal. Mirando e importansia di e seshon aki e ofisina di Ministerio di Desaroyo Ekonómiko situá na Parera lo ta será pa públiko di 8:30 or pa 12 di mèrdia djaluna awor dia 13 di mei.Esaki ta enserá ku personal di e ministerio lo no ta alkansabel telefónikamente
For di 13:30 or di mèrdia MEO su ofisina lo ta habri atrobe i personal di e ministerio lo ta alkansabel pa sigui sirbi manera ta kustumber.
For di awor MEO ta pidi su mas sinsero diskulpa pa kualkier inkumbiniensia ku esaki lo por trese kuné.