Publiká riba 28 Ougùstùs 2019
Willemstad – Servisio pa Atministrashon i Maneho di Tereno Públiko “Domeinbeheer” ta informá komunidat ku djaweps 29 di ougùstùs i djabièrnè 30 di ougustùs 2019, e servisio i alabes Sentro di Servisio Domeinbeheer lo ta será mitar dia.
Pues riba e dos dianan aki, Domeinbeheer lo no risibí kliente mas despues di 12or di mèrdia. Esaki ta relashoná ku preparashonnan i aspektonan di seguridat den kuadro di Curaçao North Sea Jazz Festival 2019 na World Trade Center (WTC) Piscadera.
Domeinbeheer su portanan lo ta habrí pa públiko atrobe ku orarionan di kustumber kuminsando for di djaluna 2 di sèptember 2019.
Domeinbeheer ta pidi diskulpa pa kualke inkumbinensia i ta gradisí komunidat di antemano pa e komprenshon i koperashon. Pa kualke informashon adishonal por tuma kontakto ku Sentro di Servisio Domeinbeheer na number di telefòn 0800-1919.
