Publiká riba 17 Mei 2021
WILLEMSTAD – Domeinbeheer ta informá ku nan ‘Sentro di Servisio na Kliente’ lo keda será pa un siman mas. Lo atendé solamente klientenan ku tabatin sita den e periodo di ‘lockdown’, esta di 24 mart pa 10 di mei 2021. Esaki lo tuma lugá segun e órden di sita.
Entrante promé di yüni próksimo, Domeinbeheer lo por kuminsá risibí klientenan ku a traha sita despues di 10 di mei último.
‘Sentro di Servisio na Kliente’ di Domeinbeheer lo tuma kontakto ku klientenan ku a traha sita despues di 10 mei 2021, pa asina traha un sita di nobo.
Demas klientenan ku no tin sita ainda, mester yama Bentana di Informashon na 433-3123 pa traha un sita pa luna di yüni próksimo. Tambe por traha un sita via sita@gobiernu.cw.
