Dos barku naval Britániko ta mara aki na Kòrsou - Informashon tokante Gobièrnu di Kòrsou Bo opinion

Notisia

Dos barku naval Britániko ta mara aki na Kòrsou

Geplaatst op 06 July 2020 dor di Ministerio Asuntunan General i Promé Minister

WILLEMSTAD – Durante e periodo benidero HMS (His Majesty’s Ship) Medway i RFA (Royal Fleet Auxiliary) Argus lo ta den awanan rondó i den haf di Kòrsou. Pa ámbos barku tin entre otro mantenshon, re-abastesimentu i kambio di personal riba programa.
Kambio di personal di ámbos barku ta tuma lugá kompletamente segun e instrukshonnan relashoná ku Corona Vírùs ku ta konta pa Kòrsou. Den e kuadro aki no ta permití personal di Medway, ku entre tantu a yega kaba, desembarká. Pa e barku RFA Argus lo apliká un periodo di karentena pa e personal promé ku ehekutá e kambio di personal. HMS Medway ta un barku ku personal militar. RFA Argus ta un barku di asistensia di Marina Real ku tin personal sivil laborando komo tripulashon. Den temporada di orkan tambe ta stashoná personal militar riba e barku pa brinda yudansa den kaso di orkan. Ambos barku ta bini for di Reino Uní i lo ta den Karibe pa brinda apoyo durante operashonnan anti narkótiko.

Ministerio konserní