Publiká riba 18 Yanüari 2024
WILLEMSTAD – Resientemente dos empleado di Sentro di Detenshon i Korekshon Kòrsou (SDKK) a rekordá i selebrá e echo ku 30 aña pasá nan a drenta den servisio na gobièrnu. Ta trata di señora Xiomara Bertrand i señor Randolph Allee.
Na e okashon akí miembronan di tim di maneho di prizòn a hiba palabra, felisitando e dos koleganan akí pa nan labor i servisio durante 30 aña. Tambe nan a risibí un pin di 30 aña di servisio i sertifikadó di rekonosementu pa nan labor prestá.
Gerensia i personal di SDKK ta deseá e 2 koleganan akí tur klase di éksito i pa nan sigui ku e bon trabou.
