Edifisio nobo pa VSO Marieta Alberto - Informashon tokante Gobièrnu di Kòrsou Bo opinion

Notisia

Edifisio nobo pa VSO Marieta Alberto

Geplaatst op 26 July 2019 dor di Ministerio Enseñansa, Siensia, Kultura & Deporte

Willemstad- Gobièrnu di Kòrsou ta trahando duru pa hasi nos klima di Enseñansa mas agradabel i magnétiko. Den e kuadro aki ta renobando kompletamente e edifisio di e skol ku antes tabata Laura Hart i ku próksimamente skol speshal Marieta Alberto ta bai okupá.

E trabounan tin di haber ku lo siguiente:
– trabounan di demolí i limpia e área di trabou;
– koba den muraya i vlur pasa pipa i kabel;
– inspektá dak pa posibel lèk i drecha esaki dor di remplasá kaminda ta nesesario;
– drecha i pone kurá di e tereno di e skol;
– kombatí komehein;
– rekonstruí 6 lokal di lès den 3 lokalidat di fishi;
– rekonstruí sitio di almasén;
– rekonstruí diferente sèt di tualèt i espasio pa kambia paña;
– pleister ba diferente sitio kaminda ta nesesario i tambe kaminda tin buraku;
– pone mosaiko nobo i limpia na diferente sitio;
– hasi trabounan di karpenteria;
– trabounan di stal i metal;
– fèrf hinter e edifisio paden i pafó (ku eksepshon di gym. Esei ta den e siguiente fase);
– diferente trabou di loodgieter/ plomero (riol, instalashon di pipa pa awa i gas) inkluso instalashon sanitario;
– amplia instalashonnan elektro-tékniko.

Minister di Enseñansa, Siensia, Kultura & Deporte (ESKD) sra. Marilyn Alcalá-Wallé ta yama un danki speshal na Ministerio di ESKD i un danki na Reda Sosial pa monitoriá e proyekto bunita aki.

 ***************************************************

Ministerio konserní