Publiká riba 19 Febrüari 2025
WILLEMSTAD – Orguyosamente por wak bèk riba un di dos edishon di konferensia pa Embahadornan, un evento dediká pa posishoná Kòrsou komo un plataforma global pa kolaborashon. E konferensia tin komo meta pa promové relashonnan duradero, stimula desaroyo ekonomiko, i promovè interkambio kulturál na un nivel internashonal.
E ambassadornan a keda impresioná ku e presentashonnan di entidat gubernamental i tambe sektor privá. E seshonnan aki a pone un fundeshi fuerte pa stimula kolaborashon i interkambio, proposishonnan di interes konkreto a ser identifiká i diskutí. Durante e dianan tras di lomba, e Embahadornan a forma parti di diferente reunion bilateral i kombersashonnan ku endentidatnan gubernamental lokal, brindando un oportunidat uniko pa fortifiká konekshon entre e diferente paisnan i Kòrsou.
“Curaçao Connects Ambassadors Conference 2025: Connecting Nations, Shaping Futures” no tabata solamente un konferensia; tabata un oportunidat pa presentá Kòrsou komo un pilar di kolaborashon internashonal. Durante e konferensia, diferente tema relevante a ser diskuti i lo sigui monitoria i tuma akshonnan nesesario pa asina garantisá resultado di e kombersashonnan.
E evento a logra su meta sin falta, kreando oportunidatnan nobo pa desaroyo ekonomiko i interkambio kulturál. Mediante e promovemento di inovashon, resiliensia i sostenbilidat, nos ta habri kaminda pa un futuro mas briyante.
