Publiká riba 08 Òktober 2023
Willemstad – Resientemente, Gobièrnu di Kòrsou, Caricert huntu ku Bureau TeleCommunicatie en Post (BTP) a organisá un evento pa inisiá luna di òktober ku ta ‘Cyber Security Awareness Month’. Durante di e evento aki diferente oradó a presentá diferente tópiko interesante relashoná ku seguridat sibernétiko.
Minister Charles Cooper a habri e evento ofisialmente, siguí pa un diskurso di Minister di OWCS, Sithree van Heydoorn. Tambe tabata tin un presentashon di e Plan Nashonal Sibernétiko, presentá pa Kwartiermaker di Cyber Security, ir. Dwigno Puriel. Sra. Drs. Elgeline Martis di CARICERT a amplia tokante ‘Cyber Resilience’. Kolaboradó di Ministerio BPD, Sr. Siegmund Sasso tambe a splika kon gobièrnu internamente ta prepará. Seguidamente, tabata tin un presentashon tokante Cyber Crime, presentá Sra. Anja de Geus di Kuerpo Polisial Kòrsou. Sr. Lesley Fer, Direktor di DRR, a duna vasto splikashon di e Profil di Riesgo Korsou i Reino Hulandes pa loke ta seguridat sibernétiko, siguí pa un presentashon di e Akuerdo entre Gobièrnu di Kòrsou ku Hackshield, presentá pa Sr. Giovanni King di BlueNap.
Luna di òktober ta un luna kaminda rònt mundu ta para ketu na e importansia di seguridat sibernétiko, ku ta krese kada dia aún mas.
Na final di kada presentashon, públiko por a hasi pregunta riba e tema ku a wòrdú presentá.
Meta di e evento aki tabata pa konsientisá tokante seguridat sibernétiko i kon mas seif “online”.
