Publiká riba 11 Sèptèmber 2017
Willemstad – Ministerio di Tráfiko, Transporte i Planifikashon Urbano ta invitá habitantenan di Kòrsou pa 3 enkuentro pa huntu diskutí riba un vishon pa nos pais, spesífikamente pa barionan! Esaki ta den kuadro di e trayekto di Nashonnan Uní (UN) konosí komo ‘the New Urban Agenda’. Sr. Frank D’Hondt, eksperto internashonal di United Nations Office for Project Services (UNOPS) lo tei presente durante seshonnan di vishon pa bario den e siman aki.
Sr. D’Hondt ta un eksperto riba urbanisashon i e ta guia e proseso di e agènda nobo pa urbanismo for di UNOPS. E ta un di e ekspertonan ku a guia e proseso mundial pa yega na e ‘New Urban Agenda’ i ta e outor di e guia pa agènda nobo pa urbanismo di UN Habitat.
E proseso di ‘New Urban Agenda’ a kuminsá ku un workshop kaminda diferente instansia i grupo di interes a bini huntu pa traha riba un vishon. Despues a siguí ku un workshop mas kaminda a forma un vishon kolektivo. Sr. D’Hondt ta bini pa konta kon e proseso pa formulá e vishon a bai i kua ta tur e aktividatnan ku ta bai bini. E lo guia e parti di pregunta i kontesta i moderá e parti di diskushon durante di e seshonnan di informashon.
Sr. D’Hondt mes ta di Bèlgika, aktualmente e ta biba na Gresia for di unda e ta guia proyektonan di urbanismo rònt mundu. Den Karibe e ta guia e proseso di ‘New Urban Agenda’ pa Kòrsou, Grenada i Santa Lucia.
E sekshonnan ta tuma lugá segun e siguiente skema:
