Elekshon representante di doño di pèrmit di taksi - Informashon tokante Gobièrnu di Kòrsou Bo opinion

Notisia

Elekshon representante di doño di pèrmit di taksi

Geplaatst op 07 July 2021 dor di Ministerio Tráfiko, Transporte i Planifikashon Urbano

WILLEMSTAD – Dia 10 di yüli 2021 Asuntunan Públiko konosí komo Kranshi konhuntamente ku Servisio di Trafikó i Transporte, ta organisá elekshon pa eligí representantenan di doñonan di pèrmit di Taksi konforme artíkulo 5 di AB 1969 no 51.

Aña pasá elekshon pa komishon di Taksi no a tuma lugá simultaneamente ku e elekshon di Bùs i Toerwagens. Konforme lei, kada tres aña ta eligí representantenan di personanan ku pèrmit di bùs chikí i mediano, Taksi i Toerwagens. 

Djasabra awor, 10 di yüli, e elekshon di komishon di Taksi ta tuma lugá na Servisio di Trafikó i Transporte, Parera z/n. Den e kuadro akí 10 persona a postulá nan mes. Tur kandidato mester kumpli ku e rekisitonan nesesario pa por ta eligibel.

Riba djárason 7 di yüli, 2’or di mèrdia, a tuma lugá na Kranshi un reunion ku e komishon di elekshon, pa determiná e komposishon di e lista di kandidato pa e komishon di Taksi. Esaki a tuma lugá pa medio di lòt. Lista di kandidato ta konsistí di e siguiente nòmbernan konforme e sekuensha menshoná aki:

  1.      Pinedo, Aquedo R.R.          Taxi no. 109 (HB)
  2.     Weverink, Ruchelo M.         Taxi no. 173
  3.     Ersilia, Philonalis C.            Taxi no. 117
  4.     Ferreira Silva, Raquel          Taxi no. 161
  5.     Georges, Jean Claude        Taxi no. 154
  6.     Mook, Alexander C.            Taxi no. 94
  7.     Privania, Francisco J.         Taxi no. 180
  8.     van Berkel, Idaline S.         Taxi no. 35
  9.     Francisca, Pursy F.             Taxi no. 79
  10.     Rimon, Reuel A.                  Taxi no. 25

Kranshi ta informá na tur posedor di un pèrmit di Taksi bálido pa hasi uso di nan derechi pa vota, pa asina yega na e komishon ku ta bai representá nan pa e periodo preskribí konforme lei. Ta rekordá tambe ku mester hasi uso di tapaboka i bin ku nan pèrmit i sédula òf reibeweis bálido.

Ministerio konserní