ELEKSHON REPRESENTANTENAN DI BÙS, TAKSI I TOERWAGEN - Informashon tokante Gobièrnu di Kòrsou

Notisia

Maneho di Gobernashon, Planifikashon i Servisio Públiko
 

ELEKSHON REPRESENTANTENAN DI BÙS, TAKSI I TOERWAGEN

Publiká riba 19 Novèmber 2026

Willemstad –  Departamento di Asuntunan Públiko (Kranshi) ta partisipá ku, konforme Artíkulo 5 di Afkondigingsblad 1969 no. 51, kada 3 aña mester tene elekshon pa elegí representantenan pa Komishon di bùs chikí i mediano, Komishon di taksi i Komishon di toerwagen.

Kranshi, di e ministerio di Maneho di Gobernashon, Planifikashon i Servisio Públiko, pa lei tin ku organisá e elekshon pa ministerio di Tráfiko, Transporte i Planifikashon Urbano.

Djárason, 18 di novèmber 2026, esnan interesá a entregá nan kandidatura.
Despues ku a kontrolá esakinan, a tira lòt pa stipulá e sekuensia di kandidatonan riba e lista di votashon.

Esaki tabata nesesario solamente pa e kandidatonan di Komishon di Taksi.

E aña aki e elekshon di Komishon di Taksi konforme e sekuensia di e lista di votashon ta:

Number riba lista Nòmber Taksi nr.
1. Magdalena, Ruthseli V. 6
2. Weverink, Ruchelo M. 173
3. Georges, Jean C. 154
4. Pinto, Giovanni L. 55
5. Isenia, Eugène J. 7
6. Statia, Jennifer C.d.J. 171
7. de Jongh, Roxianna T. 2

Pa e Komishon di bùs chikí i mediano i e Komishon di toerwagen no ta bai tin elekshon.

Den kaso di e Komishon di bùs chikí i mediano, tabatin eksaktamente 3 (tres) kandidato ku a postulá nan mes, pa e tres posishonnan disponibel den e komishon.

E kandidatonan aki ta:

Nòmber Bùs nr.
Everitz, Andrés C. 351
James, Louis B. 24
Manuela-Belioso, Maurice M. 242

Meskos ta konta pa e Komishon di toerwagen, kaminda tabatin 1 (un) solo kandidato ku a postulá su mes.

E kandidato aki ta:

Nòmber Toerwagen
Garcia, Glen A.R. Fiesta Tours NV

Elekshon ta djasabra dia 21 di novèmber 2026 di 9 or di mainta pa 1 or di atardi. Na ofisina di Asuntunan Públiko (Kranshi), Roodeweg 42 Otrabanda.

Un rekòrdatorio importante ta pa tur doño di pèrmit presentá ku nan pèrmit bálido huntu ku sea pasport, reibeweis òf sédula bálido pa vota.