Publiká riba 15 Mart 2024
Willemstad – Di djaluna 17 di mart pa djaweps 21 di mart embahadónan di mas ku 25 pais ta di bishita na Kòrsou pa ‘The Ambassador Edition of the Curaçao Experience 2024’. E evento aki ta trese embahadónan di mas ku 25 pais huntu i ta fasilitá interakshon ku outoridatnan lokal i partnernan for di sektor privá i públiko. E meta ta pa eksplorá oportunidatnan pa koperashon riba diferente tereno manera komersio, transportashon, energía renovabel, konservashon di medio ambiente, agrikultura, turismo i kuido di salú.
E promé edishon di ‘Curaçao Experience’ a tuma lugá na aña 2022 na Rijswijk, Hulanda. E éksito di e promé edishon a pone ku Minister Plenipotensiario Carlson Manuel a tuma e inisiativa pa organisá e edishon aki di ‘Curaçao Experience 2024’ na Kòrsou.
