Publiká riba 06 Òktober 2025
WILLEMSTAD – Riba djaluna, 6 di òktober 2025, Promé Minister sr. Gilmar Pisas a risibí e Embahador di Reino establesé na Caracas, sra. Carmen Gonsalves.
E bishita akí tabata unu di kortesia kaminda Embahador Gonsalves a duna Promé Minister Pisas un aktualisashon di e situashon na Venezuela. Durante di e kombersashon akí a kompartí informashon riba diferente tema manera entre otro e situashon prekario na Venezuela, lisensia di OFAC i e akshonnan di Merka den region di Karibe.
Embahador Gonsalves ta na Kòrsou huntu ku 32 otro embahador di Reino pa e konferensha di embahadornan di hemisferio oksidental, ku ta tumando lugá e siman akí.
E bishita a tuma lugá den un esfera ameno basá riba bon entendimentu i kolaborashon, pa sigui mantené un diálogo kontinuo na benefisio di Kòrsou.
