EMPLEADONAN DI ONTVANGER I SVB TA FINALISA FORMASHON KU EKSITO I RISIBI SERTIFIKADO NA MAN DI MINISTER DI FINANSA DR. JOSÉ JARDI - Informashon tokante Gobièrnu di Kòrsou

Notisia

Ministerio konserní Finansa
 

EMPLEADONAN DI ONTVANGER I SVB TA FINALISA FORMASHON KU EKSITO I RISIBI SERTIFIKADO NA MAN DI MINISTER DI FINANSA DR. JOSÉ JARDI

Publiká riba 24 Òktober 2016

Willemstad- Resientemente un kantidat di 23 empleado di Ontvanger i SVB a finalisá formashon pa Deurwaarder, Senior Medewerker Invordering i Medewerker Invordering.  Minister di Finansa Dr. José Jardim a hasi entrega di e sertifikadonan na e kursistanan ku a logra tèrminá nan kurso ku éksito.

E tarea di esnan ku ta hasi kobransa pa gobièrnu ta importante.  Danki na nan esfuerso i dedikashon Gobièrnu ta kobra entrada di tur ku tin deber di paga impuesto konforme lei.  Entrada ku ta keda usa na bienestar di komunidat kompleto. 

Minister Jardim den su introdukshon na e okashon aki a enfatisá e importansia di e trabou ku e empleadonan aki ta realisá, trabou ku no tur ora ta popular, pero si ta importante pa nos komunidat. 

E Minister a elogiá tambe e esfuerso hasi pa e empleadonan pa sigui forma nan mes afin ku nan mes ta bai dilanti pero tambe ta kontribuí na alsa e kalidat di trabou ku e empleadonan ta hasi.  Na e okashon aki hiba palabra tambe Ontvanger Sr. Alfonso Trona i Direktor di SVB Sr. Philip Martis.  

Di e 23 empleadonan ku a finalisá nan kurso ku éksito 13 empleado ta laborá na Ontvanger i 10 empleado ta laborá na SVB.  E empleadonan ku a risibí nan sertifikado di Senior Medewerker invordering ta Charlene Isabella, Chernanda Piter, Roxan Samboe, Sislyn Eleonora, Lysandra Sebastiana, Richenel Josepha i Rose-Marie Bartholomeus.  Airic Damoen, Jessica Ortela i Shurenda Muzo a kursa pa Deurwaarder ku éksito. 

E empleadonan ku a risibí e sertifikado di Medwerker Invordering ta Charlenka Antersein, Edinho Meyer, Giovanella Anthony, Jadira Strick, Roosnelly Conception, Sharella Ernestina, Dihaila Florentina,  Amarildo Manuela, Annie Gibbs, Flor Fabian, Jeritza Leseur, Rowenna Kramers i Ulrich Richardson.