Publiká riba 07 Aprel 2019
Djabièrnè atardi, 5 di aprel 2019, Ministerio di Hustisia a huramentá 65 trahadó públiko dilanti di Minister di Hustisia sr. Quincy Girigorie. Entre esnan presente tabatei sra. Desiree Lai-Promes Sekretario Generaal interino sr. Gerold Daantje director di sektor RHOOV, Joëlle de Jongh-Mercelina ku ta direktor di maneho I sra. Gimena van der Gen ku ta direktor di JER bou di kua e instansia ya menshoná ta forma parti di dje. E biaha aki sra. van der Gen a habri e seremonia splikando I elogiando e ámtenarnan ku tur dia di nobo ta sali pa yuda hòbennan ku tin problema pa asina nan por tin un mihó futuro. Meskos ku e otro instansianan ku siman pasa a huramenta, e instansianan ya menshoná tambe a partisipá na e kapasitashon di integridat I a yega e momento di huramentashon; ku e meta final pa krea un aparato mas íntegro.
Na final di e huramentashon kada ámtenar a haña nan prosèsverbal.
Ministerio di Hustisia ta deseá kada unu ku a huramentá éksito den e trabounan konfiá na nan.
drpd – sra. Gimena van der Gen, sra. Joelle de Jongh-Mercelina, sr. Gerold Daantje i sra. Desiree Lai-Promes
Minister sr. Quincy Girigorie i sra. Gimena van der Gen huntu ku e trahadonan di Voogdijraad
Minister sr. Quincy Girigorie i sra. Gimena van der Gen huntu ku e di dos grupo di JJIC
Minister sr. Quincy Girigorie i sra. Gimena van der Gen huntu ku e trahadonan di AJJC (jeugdreclassering)
