Enfermero i dòkternan ku tabata na Kòrsou pa asistí den programa di Bakunashon ta regresá Hulanda - Informashon tokante Gobièrnu di Kòrsou Bo opinion

Notisia

Enfermero i dòkternan ku tabata na Kòrsou pa asistí den programa di Bakunashon ta regresá Hulanda

Geplaatst op 19 May 2021 dor di Ministerio Salubridat Públiko, Medio Ambiente i Naturalesa

WILLEMSTAD – Minister demisionario di Salú, Medio Ambiente i Naturalesa señora Zita Jesus- Leito resientemente, durante un enkuentro ameno, a gradisí e grupo di enfermero i dòkternan ku a bini for di Hulanda pa asistí nos den e bataya kontra COVID-19.

Tabata un total di 33 persona ku a asistí ku e tareanan di prepará bakuna i bakuná den e trayekto di bakunashon. Señora Farline Rodriguez ku ta Yu di Kòrsou tambe a forma parti di e grupo. Na final di e parti ofisial Minister Jesus- Leito, Irálice Jansen MSc. BASc. i dr. Semper a gradisí e grupo i a otorgá kada unu un sertifikado komo muestra di apresio pa e bon trabou ku nan a hasi pa Kòrsou.

Riba kombinashon di potrètnan por mira entre otro momentu ku Minister demisionario Jesus- Leito, Irálice Jansen MSc. BASc. i dr. Semper ta gradisí e grupo pa nan aporte i e bon trabou. Por mira tambe momentu ku señora Farline Rodriguez ta risibí su sertifikado di apresio.

Ministerio konserní