Publiká riba 18 Yüni 2020
WILLEMSTAD – Direktorado di Asuntunan Eksterior (DBB) ta enkargá ofisialmente ku legalisashon di dokumentonan ku mester usa den eksterior. Den e kuadro aki, DBB lo introdusí entrante 1 di yüli 2020 un tarifa di Fl 15,- pa legalisashon di kada dokumento separá. Esaki konforme art. 2 di Rijkswet, art. 18 di Legesverordening i Zegelverordening 1908 (P.B. 2014, no. 5).
Ta trata aki di legalisashon di firma, dokumentonan di identidat, pero tambe nasementu, kasamentu, divorsio i nashonalidat. Meta di legalisashon ta pèrkurá pa dokumentonan ta útil pa transakshonnan legal na otro pais. Introdukshon di e tarifa aki ta konta pa tantu personanan físiko komo hurídiko.
Gobièrnu no ta disponé di medionan finansiero inlimitá. Alabes e demanda pa legalisá dokumento anualmente ta surpasá 600 legislashon. Pa hopi aña Gobièrnu no a kobra miéntras tin gastunan di personal i material mará na e servisio aki. Esakinan ta suprayá e nesesidat pa kobra kliente e gastunan ku Gobièrnu ta hasi pa duna e servisio.
Por paga pa medio di swipe na ofisina di DBB òf por depositá e pago riba kuenta di Gobièrnu di Kòrsou, MCB 31968600. Den kaso di e último mester mustra e komprobante di pago na momentu ku bini DBB pa entregá e dokumentonan. No ta aseptá pago kèsh.
Bo mester di outorisá un hende?
Download un ehèmpel di e karta di outorisashon na Papiamentu
Download un ehèmpel di e karta di outorisashon na Hulandes
