Entrante 29 di òktober awor Lokèt di Pèrmit ta alkansabel via telefòn - Informashon tokante Gobièrnu di Kòrsou Bo opinion

Notisia

Entrante 29 di òktober awor Lokèt di Pèrmit ta alkansabel via telefòn

Geplaatst op 27 October 2020 dor di Ministerio Maneho di Gobernashon, Planifikashon i Servisio Públiko

WILLEMSTAD – Ministerio di Maneho di Gobernashon, Planifikashon i Servisio Públiko ta informá ku ofisina di Lokèt di Pèrmit ta alkansabel temporalmente via di tres number di telefòn. Kada sekshon di Lokèt di Pèrmit a haña un number via kua e persona por drenta dirèkt den kontakto ku un funshonario pa atendé.

E numbernan no ta grátis, p’esei Lokèt di Pèrmit ta enkurashá tur persona pa sigui hasi uso di e email ligá na e servisio.

Sekshon di Bentana di Informashon ta alkansabel via 434-1690. Riba e number aki por yama pa pidi informashon general di servisio i produktonan di Gobièrnu, traha sita pa pasaporte, sédula, reibeweis, kùr vehíkulo i pa Domeinbeheer. Su email nan ta:

Sekshon di Intake na unda e persona por hasi su petishon pa un pèrmit, ta alkansabel via 434-1691. Intake su email ta intake.vergunningenloket@gobiernu.cw.

Sekshon di Afgifte, unda e persona por informá tokante statùs di su petishon i tuma e desishon riba su petishon, ta alkansabel via 434-1692. Email di Afgifte ta afgifte.vergunningenloket@gobiernu.cw

Por yama e tres sekshonnan di Lokèt di Pèrmit di djaluna pa djaweps entre 8’or di mainta pa 3’or di mèrdia i riba djabièrnè entre 8’or di mainta pa 12’or di mèrdia.

Tim di Lokèt di Pèrmit ta hasi un súplika na kada persona pa sigui kuida bo mes i bo famia. Tene bo mes na reglanan di higiena i distansiamentu sosial.

Ministerio konserní