Publiká riba 26 Febrüari 2019
Willemstad – Servisio pa Tráfiko i Transporte (UO-VV) ta anunsiá ku entrante luna di mart tur persona, ku mester di un fecha pa kùr nan vehíkulo, mester sea pasa na Bentana di Informashon na Saliña, òf yama na 0800-1515 pa traha un sita. Doñonan di vehíkulo lo no risibí un karta via pòst ku e fecha pa kùr nan vehíkulo na kas mas.
Pa un periodo kaba outomobilistanan no tabatin mester di bai “Bentana di Informashon” pa buska un fecha pa kùr nan vehíkulo. Tabata risibí un karta na kas konteniendo e fecha i orario pa pasa kùr e vehíkulo. Pa motibunan imprevisto, UOVV no por saka e kartanan aki por lo pronto.
UOVV ta urgí tur hende pa kontrolá bo karchi di kùr i traha bo sita na tempu promé ku esaki kaduká. Tambe ta pidi klientenan pa bin prepará ku e pago pa kùr, esta 30 florin òf 60 florin si e karchi a kaduká kaba. Por paga ku sèn kèsh òf ku bankomatiko.
UOVV ta pidi su diskulpa pa kualke inkumbinensha i ta gradisí alabes pa e koperashon.
