Anteriormente un komishon a keda instalá pa traha riba un rapòrt i konseho pa minister relashoná ku kambio di klima den klas den enseñansa. E komishon a keda instalá teniendo kuenta ku puntonan manera: kambio di klima den enseñansa i temperatura altu durante di e orario di skol. Tambe minister a indiká na tur direktiva di skol ku komo Gobièrnu ta pone fondo disponibel pa tur direktiva di skol pa kumpra inventario manera fèn, jùg, èrko i frizer pa asina suministrá inventario pa kombatí kalor den klas den enseñansa.
Direktor di Direktiva di Skolnan Atventista sr. Hendrey Isenia tambe a hiba palabra i indiká ku ta hntu ku ministerio di ESKD i SOS ta traha huntu na bienestar di nos muchanan. Kabes di skol atventista sra. Sandra Lucasiusa keda hopi kontentu i na nòmber di tur dosente di e skolnan a gradisí direktiva di skol i Gobièrnu pa e solushon temporal aki. Na mes momentu e la indiká di ku nan ta keda pendiente di e solushon mas duradero ku gobièrnu a primintí.
A la bes minister Sithree van Heydoorn a indiká ku proseso interno di Gobièrnu a tarda un tiki pero ku awor si e promé inventarionan a keda entregá. Ku esaki minister ta hasi un apelashon na direktivanan pa ban sigui traha huntu den enseñansa pa nos muchanan.
—
KOMUNIKASHON
*Riba e potrètnan por tuma nota di e momentu ku minister di ESKD sr. Sithree van Heydoorn ta hasi entrega di forma ofishal. Pa mas potrèt bishitá: Entrega di inventario
