Publiká riba 27 Sèptèmber 2021
Willemstad – Minister Tráfiko, Transporte i Planifikashon Urbano, Charles Cooper huntu ku Servisio pa Planifikashon Urbano (ROP) a hasi entrega di pèrmit di un plan di infrastruktura na e parti nort di e bario di Schelpwijk pa por konstruí un kantidat di mas o ménos 400 kas.
Fondo di Penshun Vidanova, ta bai aportá na un desaroyo ku ta di importansia pa Kòrsou, mirando ku e nesesidat pa kas ta haltu. Huntu ku su partnernan stratégiko Aqualectra i Institute for Future of Living, Vidanova lo bai desaroyá e proyekto Hofi Vidanova, un komunidat moderno i inovativo basa riba e konsepto di hòfi. E proyekto aki pronto lo ser lansa ku mas informashon pa tur persona ku mester i ku ta interesá pa kumpra òf traha un kas.
Pa mas informashon por tuma kontakto ku ROP via e number +5999433-3200. Tambe por manda Whats app na number di telefòn +5999511-3874 òf por manda e-mail na info.rop@gobiernu.cw.
