Publiká riba 12 Mei 2023
Willemstad – Riba djabièrnè 12 di mei, Minister Charles Cooper a hasi entrega di diferente pèrmit na e kompania Royal Holding Company II B.V. den kuadro di desaroyo di un marina pa yate den área di Zakito. E kompania lo por bai konstruí un ‘golfbreker’ i un brùg ku por move, konformé Kòrsou su leinan riba e tereno di maneho marítimo (‘Landsverordening Maritiem Beheer’), i di konstrukshon i bibienda (‘Landsverordening Bouw- en Woningverordening’).
Minister di Salubridat, Medio Ambiente, i Naturalesa, Sr. Gilmar Pisas a otorgá na e okashon aki alabes un eksonerashon konformé nos leinan lokal pa loke ta maneho di ref (‘Rifbeheersverordening’) pa e konstrukshonan ya menshoná.
E promé fase aki lo ta un invershon lo ta 12.5 mion dòler, i e proyekto kompletu ta un invershon total di 150 mion florin.
Minister Cooper ta enfatisá ku tipo di proyektonan aki tambe ta duna un ‘boost’ na ekonomia marítimo den área di Zakito.
