Publiká riba 20 Mart 2018
Ministerio di Enseñansa, Siensia, Kultura & Deporte huntu Ministerio di Desaroyo Ekonómiko, Aqualectra i China Machinery Engineering Corporation (CMEC-group) a hasi e entrega simbóliko di e promé panelnan solar na Skol Avansá Amador Nita na Parera. E aktividat aki a kuminsá for di aña 2015 i a yega e momentu kaminda a hasi e entrega simbóliko di e panel solar nan. E trayekto aki ta kanando bou di guia di Sektor di Enseñansa i Siensia huntu ku e kompania internashonal China Machinery Engineering Corporation (CMEC-group) i Aqualectra.
Durante di e atardi a hiba palabra sra. Minister Marilyn Alcalá-Wallé, sr. Minister Steven Martina, Konsul-General di Republika di China sr. Zhang Weixin, representante di CMEC-Group sra. Wei Ai, CEO di Aqualectra sr. Darick Jonis i Direktor di skol sra. Lourdes Figaroa.
Kada un di e oradornan a elaborá riba e importansia di energia sostenibel i duradero ku ta trese i lo stimulá e energia bèrdè ku lo nifiká un mihó medio ambiente i konservashon di nos planeta. Tambe e dos hóbennan di Skol Avansá Amador Nita; Klevi Hansen i Juliesa Calister a presentá dos poesia titulá: ‘un hóben enfoká i un futuro insigur’. Nan a sa di kaptá tur e invitadonan su atenshon i duna un bon presentashon.
Athunto por tuma nota di e momentu históriko aki kaminda e entrega a tuma lugá i tambe por bishitá facebook page di Ministerio pa mas potrèt.
