Entrega ofisial di proyekto Gorsiraweg - Informashon tokante Gobièrnu di Kòrsou Bo opinion

Notisia

Entrega ofisial di proyekto Gorsiraweg

Geplaatst op 20 March 2019 dor di Ministerio Tráfiko, Transporte i Planifikashon Urbano

gorsiraweg

Willemstad – Servisio pa Obra Públiko (OW) ta informá ku trabounan di mantenshon di Gorsiraweg a terminá, i ayera 19 di mart 2019 a entrega e proyekto ofisialmente.

A kuminsá ku e trabounan dia 12 novèmber 2018  i a dura djis un poko mas ku a premirá debí na diferente aspekto. A kita e kapa di asfalt bieu i pone nobo, a renobá e rant, i hasi algun otro adaptashon. Pa alsa e seguridat di tráfiko na e sitio, a adaptá e krusada di Gorsiraweg-Arraratweg.

Awor e tráfiko biniendo for di Casa Cuna no tin preferensha mas i tin bòrchi i markanan riba kaminda ku ta indiká esaki. E outomobilistanan biniendo for di brùg, esta Kaya Ararat A, i e otro pasando dilanti Ennia awor ta kore riba un kaminda di preferensha ku tambe tin e bòrchinan ku ta indiká esaki. Lo bini algun ahuste chikitu na e kaminda i lo anunsia esaki na debido tempu.

OW ta gradisí tur usuario, habitante i komersiantenan pa e pasenshi i ta hasi un apelashon na tur hende pa tene kuenta ku e kambionan.

Ministerio konserní