Notisia

Relato Estado di Enseñansa di Fundeshi 2024

Willemstad- Minister di Enseñansa Siensia Kultura i Deporte, Su Ekselensia Sithree van Heydoorn, a risibí e relato Estado di Enseñansa di Fundeshi 2024. Den e relato akí a selektá áreanan di kalidat for di e kuadro di evaluashon di Inspekshon pa por duna un punto di bista pa ku kalidat di enseñansa di fundeshi.

Inspekshon di e manera akí ta kumpli ku su tarea konforme artíkulo 6 insiso 3 di Ordenansa Nashonal Enseñansa di fundeshi i aportá na ehekushon di artíkulo 21 insiso 8 di Areglo di estado di Kòrsou. Pa Inspektor-General, drs. Raily Goedgedrag, ta un berdadero plaser pa por publiká e rapòrt na papiamentu tambe. E ta spera ku esaki lo kontribuí na amplia aksesibilidat di e rapòrt, pa asina un públiko mas grandi ta sera konosí ku e nivel di kalidat di enseñansa di fundeshi. E dokumento akí ta posibel danki tambe na kontribushon di e kolektivo di kabes di skol i direktiva di skol.

Un danki spesial ta bai tambe na tur ku a koperá na realisá e rapòrt dor di pone informashon disponibel. E relato ta aksesibel via https://online.fliphtml5.com/canmv/hxqk/ (vershon na papiamentu) i https://online.fliphtml5.com/canmv/mxhu/ (vershon na hulandes).

Tambe por scan e QR-Code i tuma nota di e relato.

papiamentu

hulandes

Pa mas informashon por tuma kontakto ku Inspekshon via secretariaatio@owcs.gov.cw òf 59994343772.

—

KOMUNIKASHON

MAS NOTISIA

Ministerio konserní: Enseñansa, Siensia, Kultura & Deporte