Durante di dianan 3 pa 6 di Aprel 2019 a tumá lugá na Aruba e promé “Expertgroep Vakbekwaamheid meeting”. E reunion aki a konta ku partisipashon di Brandweer Aruba, Brandweer Caribisch Nederland, Brandweer Sint Maarten, Instituut Fysieke Veiligheid – IFV, Stichting Brandweer Opleidingen BOGO i tambe UO Brandweer & Rampenbestrijding Curacao ku a keda representá pa Anagertrudes Rodriguez i Jizraja Bacuna. Meta di e dianan aki tabata pa reuní i hisa nos kalidat di duna servisio, unifiká e kuerponan i traha palabrashonnan konkreto riba basenan pa e diferente nivel di “opleiding” ku kada kuerpo tin.
