Publiká riba 18 Yanüari 2018
Willemstad – Minister Zita Jesus Leito huntu ku Servisio pa Planifikashon Urbano (ROP) ta anunsiá e siguiente fecha pa por bin tuma pèrmit di prekario pa stènt òf stelage pa temporada di Karnaval segun kada sekshon. Tin 4 sekshon dividí na lèternan A, B, C i D i por pasa tuma permit na ROP, Plasa Horacio Hoyer 19.
Fecha i orario pa kada sekshon ta den e siguiente sekuensia:
SEKSHON A
– Tur persona di sekshon A por pasa te ku fin di e siman aki promé ku 19 di yanüari
– Orario ta entre: 8:00 AM te ku 6:00 PM non stop
SEKSHON B
– Djaweps 18 di yanüari 2018 te ku djadumingu 21 di yanüari 2018
– Orario den siman ta entre: 8:00 AM te ku 6:00 PM non stop
SEKSHON C
– Djaluna 22 di yanüari 2018 te ku djarason24 di yanüari 2018
– Orario ta entre 8:00 AM te ku 6:00PM non stop
SEKSHON D
– Djaweps 25 di yanüari 2018 i djabièrnè 26 di yanüari 2018
– Orario ta entre 8:00 AM te ku 6:00 PM non stop
Henter e tim di prekario a traha inkansablemente pa ordená i manehá e parti aki di prekario. Di e forma aki, nos komuidat por disfrutá di Karnaval na un manera bon strukturá. ROP ke gradesí un i tur pa e kooperashon durante e dianan di entrega di pèrmit i ta hasi un apelashon pa no keda sin bin tuma bo pèrmit.
Pa kualke pregunta por tuma kontakto ku Tim Prekario via e number 461-5132. Tambe por manda Whats app na number di telefon +5999511-8582 òf por manda e-mail na info.vvrp@gobiernu.cw. por bishita e pagina di facebook Prekario Korsou.