Publiká riba 13 Novèmber 2017
Willemstad – Servisio pa Obra Públiko (OW) ta anunsiá ku ta bai finalisá trabounan di rekonstrukshon na Piscaderaweg ku plantashon di mata. E matanan aki lo bai kontribuí pa embeyesimentu di e plenchi dilanti misa di Coromoto i duna fresku pa usuarionan.
E trabounan ta na enkargo di kontratista Kwekerij Exotische Tuinen i ta kuminsá djarason 15 di novèmber i ta finalisá 24 di novèmber 2017. Durante ehekushon di e trabounan por tin molèster pa outomobilistanan.
Kontratista Kwekerij Exotische Tuinen, Obra Públiko i polis tékniko ta pidi públiko pa tene kuenta ku e trabounan. Ta pidi outomobilistanan pa tene kuenta ku personal i material di rekonstrukshon ora ta trafiká den besindario di Piscaderaweg. Pa kualke pregunta tokante e proyekto por tuma kontakto ku OW via e number 433-4237, Whats app +5999511-8582 òf via di e-mail info.vvrp@gobiernu.cw.
