Findishi pa benta di mobilario dia 28 di mei - Informashon tokante Gobièrnu di Kòrsou

Notisia

Tráfiko, Transporte i Planifikashon Urbano
 

Findishi pa benta di mobilario dia 28 di mei

Publiká riba 20 Mei 2025

Willemstad – Djárason 28 di mei 2025 pa 10or di mainta lo tuma lugá un findishi riba petishon di Ministerio di Tráfiko, Transporte i Planifikashon Urbano.

Lo bende diferente mobilario pa kantor manera entre otro: büro, stul pa büro, ‘laddenblok’, kashi pa ‘file’, mesa, kashi, stul, tapeit, frishidèl, banki/stul di heru, pantaya pa kompüter, porta grandi di heru, reki di heru, set di stul di 2 òf 3 pida, i hopi mas.

E benta “as is where is” lo tuma lugá na Bellisimaweg 7 (pegá ku LVV). Lo por mira e artíkulonan na benta na Bellisimaweg 7 pegá ku LVV riba 28 di mei 2025 di entre 8or di mainta pa 9.30 di mainta. E benta lo kuminsá 10or i ta kaba 2or di mèrdia.

Tur persona ku ke partisipá na e benta mester inskribí nan mes ku un identifikashon bálido.                                                                                                                                                                                                                             

Deurwaarder lo ta enkargá ku e benta. Sistema di pago ta ‘swipe’. Ora ku bo paga e artíkulo, bo ta risibí un komprobante di pago i ku bo komprobante di pago bo por rekohé e artíkulo na final di e findishi