Publiká riba 29 Aprel 2026
Willemstad – Djaweps 7 di mei 2026 pa 10or di mainta lo tuma lugá un findishi riba petishon di Ministerio di Tráfiko, Transporte i Planifikashon Urbano.
Lo bende diferente mobilario pa kantor manera entre otro: büro, stul pa büro, ‘laddenblok’, kashi pa ‘file’, mesa, kashi, stul, rèki di heru, pantaya pa kòmpiuter, i hopi mas.
Por mira e artíkulonan na benta na Bellisimaweg z/n antes edifisio di DWD riba 7 di mei 2026 entre 8:30 or di mainta pa 9.30 di mainta. Benta ta kuminsá 10or di mainta i ta kaba 2or di mèrdia na e mésun adrès. Ta bende e artíkulonan den e estado ku nan ta.
Tur persona ku ke partisipá na e benta mester inskribí ku un identifikashon bálido.
Deurwaarder lo ta enkargá ku e benta i sistema di pago ta ‘swipe’. Na momentu ku paga pa e artíkulo, ta risibí un komprobante di pago i ku e komprobante di pago aki por rekohé e artíkulo na final di e findishi.
