Fòrti ta habrí henter siman pa duna informashon i dialogá ku pueblo di Kòrsou - Informashon tokante Gobièrnu di Kòrsou Bo opinion

Notisia

Fòrti ta habrí henter siman pa duna informashon i dialogá ku pueblo di Kòrsou

Geplaatst op 13 July 2020 dor di Ministerio Asuntunan General i Promé Minister

WILLEMSTAD – Den un afan pa suministrá informashon korekto i konsiso tokante situashon aktual di nos pais, retonan ku nos ta konfrontando, puntonan di mehorá i posibilidatnan pa futuro, Fòrti lo ta habrí henter siman (13 pa 17 di yüli 2020) ku transmishon bibu tur mainta di Mòru Bon Dia i tambe e programa radial Kòrsou Awe di radio Direct 107.1.

Durante di e transmishonnan lo entrevistá mandatario, ámtenar i profeshonalnan ku lo duna splikashon riba temanan aktual i diverso. Alabes, lo transmití un edishon speshal di e programa Fòrti Habrí djaluna anochi 13 di yüli, kaminda un grupo di hóben lo sinta kara kara ku ministernan pa trese nan preokupashonnan dilanti i dialogá riba esakinan. Djaweps anochi lo tin otro transmishon bibu for di studio di TeleCuraçao, ku posibilidat pa pueblo di Kòrsou partisipá dor di hasi preguntanan direkto na e ministernan ku lo ta presente.

Gobièrnu di Kòrsou ta invitá pueblo di Kòrsou kompletu pa sintonisá i partisipá na e programanan aki i, kaminda ta deseá, tambe hasi pregunta libremente pa asina haña aklarashon riba tur e tópikonan ku ta ser tratá.

Ministerio konserní