Geplaatst op 26 March 2019 dor di Ministerio Enseñansa, Siensia, Kultura & Deporte
Colombia – Willemstad, Durante di su estadia na Riohacha i den marko di e Festival Francisco El Hombre, Minister Marilyn Alcalá-Wallé a representá gobièrnu di Kòrsou i a partisipá aktivamente na un “Rueda de Negocios” organisá pa e Gobernador di La Guajira sr. Wilson Rojas Venegas.
E Gobernador a skohe un bon momento pa paralelamente ku e Festival menshoná, tene e “Rueda de Negocios” kaminda empresarionan di La Guajira i algun empresario di Kòrsou i Aruba tabata presente. Durante di e enkuentro diferente akuerdonan di intenshon a wòrdu firmá. Pa Kòrsou esaki ta nifiká ku e.o. provishon di fruta i berdura ta sigurá pa nos komunidat. Pronto ta sigui mas informashon.
