Notisia

Konseho di Minister den su reunion di djarason último a tuma e desishon pa Fundashon Pro Bario Lagun risibí e mandato di Gobièrnu pa operá e Sentro di Rekreo Lagun próksimamente.

Durante di un seremonia ofisial i kòrtiku riba djaweps mainta 9 ougùstùs 2018, Minister di Enseñansa, Siensia, Kultura i Deporte, sra. Marilyn Alcalá-Wallé i Minister di Desaroyo Sosial, Labor i Bienestar, sr. Hensley Koeiman a firma e akuerdo ku Fundashon Pro Bario Lagun na nòmber di Gobièrnu di Kòrsou. Sentro di Rekreo Lagun a keda kompletamente restourá dor di gobièrnu pa medio di Reda Sosial. E Sentro ta konsistí di e sentro di rekreo, 2 kas i un fèlt di bala i terenonan serkano.

Despues di entrega di e yabinan a kuminsá un trayekto di negosashon ku Fundashon Pro Bario Lagun di forma responsabel, kaminda a traha palabrashonnan kla. Ku esaki alabes ta evitá malkomprondementu durante operashon di e Sentro menshoná. Den e akuerdo alabes Gobièrnu ta garantisá ku gruponan sosial i komunitario tambe tin derechi di hasi uso di e propiedat di gobièrnu.

MAS NOTISIA

Ministerio konserní: Enseñansa, Siensia, Kultura & Deporte