Publiká riba 04 Ougùstùs 2021
WILLEMSTAD – Riba djárason 4 di ougùstùs, Konseho di Minister a risibí un delegashon di Fundashon Pro Bista durante un enkuentro ameno. Manera ta kustumber, tur aña di nobo Fundashon Pro Bista ta inisiá su kampaña di kòlèkte dor di risibí e promé kontribushon serka gobernantenan di e Gobièrnu na mando. Riba e pòrtrètnan por mira e momentu kaminda Promé Minister Pisas huntu ku ministernan Larmonie-Cecilia, Pietersz-Janga i Silvania, ta otorgá e promé montante na direktiva i kliente di Fundashon Pro Bista.