Gobernador di Kòrsou ta investigá kredensialnan di kandidato parlamentario - Informashon tokante Gobièrnu di Kòrsou Bo opinion

Notisia

Gobernador di Kòrsou ta investigá kredensialnan di kandidato parlamentario

Geplaatst op 04 March 2021 dor di Ministerio Asuntunan General i Promé Minister

WILLEMSTAD- Pa medio di un ‘Algemene Maatregel van Rijksbestuur’, Gobernador di Kòrsou a keda enkargá ku e investigashon riba kredensialnan di e kandidato parlamentario ku ta bini na remarke pa okupashon di e asiento vakante den Parlamento di Kòrsou. Den kuadro di esaki, Gobernador a pidi Parlamento pa e dokumentonan ku a keda entregá dor di tantu Konseho Elektoral komo tambe e kandidato pa fin di e investigashon akí.

Resultadonan di e investigashon lo keda partisipá na tantu Parlamento di Kòrsou, Konseho Elektoral komo tambe na e kandidato parlamentario. Si akaso resultá ku e kredensialnan ta na òrdu, e kandidato por hasi un petishon na Gobernador pa risibí e oportunidat di hasi su huramentashon i promesa.

Den e kaso akí, Gobernador lo disidí na ki momento e oportunidat pa e huramentashon lo keda ofresé na e kandidato parlamentario en kuestion.

Despues di e prestashon di huramentashon, e parlamentario lo risibí un prosèsverbal di su huramentashon i for di e momentu ei e por partisipá ofisialmente na reunionnan di Parlamento.

Pa lesa e anunsio ofisial, klek aki: http://bit.ly/StaatsbladKoninkrijk

Ministerio konserní