Publiká riba 12 Novèmber 2020
WILLEMSTAD- Djamars,10 di novèmber, direktor di Servisio Meteorológiko di Kòrsou i alabes Representante Permanente di Kòrsou na ‘World Meteorological Organization’, sr. Albert Martis i Sekretario General di Kòrsou su Komishon Nashonal pa UNESCO, Sra. Marva Browne a entregá e rapòrt “Curaçao Climate Change Policy Assessment” na Gobernador di Kòrsou, Su Ekselensia Lucille George-Wout.
E rapòrt aki, ta deskribí e resultadonan di estudio ku a keda hasí pa un ‘Klimaatwerkgroep’ konsistiendo di empleadonan di VVRP, MEO i GMN. Meta prinsipal di e estudio tabata, pa haña mihó bista di nos kapasidat i konosementu institushonal pa loke ta trata formulashon di un maneho di klima pa Kòrsou.