Publiká riba 21 Mei 2019
E herensia tangibel aki tin un historia riku. E ta eksistí for di aña 1830. Riba su plantashi tabata produsí entre otro fruta di divi-divi, batata, kenepa i tambe tabatin krio di bestia. Na Landhuis Kenepa, riba 17 di ougùstùs 1795, a kuminsá e rebelion di katibu guiá pa nos heroe nashonal Tula. Aktualmente Landhuis Kenepa ta fungi komo museo.
Den e rekorido un guia profeshonal a duna sr. Rojas Vanegas un splikashon di nos historia di plantashi i katibu pa despues e gobernadó haña alabes un splikashon ta kon ta traha nos kaha di òrgel (Aña di kaha di orgel), kon ta toka e kaha di òrgel i tambe a siñ’é algun paso bunita di nos wals riba tono di kaha di òrgel. Riba tereno kulinario senõr Rojas Vanegas a purba un dushi repa di aros, trahá na sistema di ántes, kompañá pa awa di lamunchi fresku. E bishita na Landhuis Kenepa a duna gobernadó di La Guajira e oportunidat pa tende i eksperenshá e parti aki tambe di nos dushi isla Kòrsou.
Riba e foto por mira un impreshon di e bishita….
