Kondekorashon Real pa 22 siudadano di Kòrsou - Informashon tokante Gobièrnu di Kòrsou Bo opinion

Notisia

Kondekorashon Real pa 22 siudadano di Kòrsou

Geplaatst op 05 July 2020 dor di Ministerio Asuntunan General i Promé Minister

WILLEMSTAD – Djabièrnè 3 di yüli 2020 Gobernador di Kòrsou, Su Ekselensia Lucille George-Wout, na nòmber di Su Mahestat Rei Willem Alexander, tabata tin e honor pa kondekorá 22 siudadano kurasoleño ku un Kondekorashon Real. E siudadanonan aki a keda kondekorá pa nan méritonan speshal di hopi aña na benefisio di komunidat di Kòrsou. En konekshon ku Covid Gobernador no a pega e kondekorashonnan, pero a entregá e medayanan di distinshon na e kondekoradonan. E seremonia ofisial aki a tuma lugá na palasio na Fort Amsterdam.
Kondekorashon Real 2020

Gobernador entregá medaya di kondekorashon Real na e siguinte siudadanonan pa nan méritonan riba tereno di arte i kultura, Sail Curaçao, Krus Kòrá, Komunidat Religioso, Sentronan di Bario di Bándariba te Bándabou, deporte i trabou ku hubentut:

Miembro den Órden di Oranje Nassau
Sra. Norma M. Cova – Jimenez
Sra. Esther M. van Haaren – Hart
Sr. Wigly D.C.C. Isidora
Sra. Renate L.F. Joe
Sr. Ruberto R. Josefa
Sr. Cesario A. Lacroes
Sr. Glenn V.E. Le Blanc
Sr. Dennis M. Martina
Sr. Amilcar J. Matos de Leon
Sra. Ethlyn W. Merkies – Martis
Sra. Claverina P.M. Pieters – Kwiers
Sr. Elvis F.H. Reed
Sr. Ebell I.R. Scharbaai
Sr. Farley F. Sillie
Sr. Nelson A. Tremus

Kabayero den Órden di Oranje Nassau
Sra. Lourdes E. Ezechiëls
Sra. Nicole D. Henriquez
Sr. Alfred J. Palm
Sr. Manohar Sawilani
Sr. Juny J. Sluis
Sra. Linda Y. Verbrugge – Neüman
Sr. Rupert E. Wallé

Sr. Manohar Sawilani i Sr. Rupert E. Wallé no por tabata presente na e seremonia ofisial. Nan lo risibí su kondekorashon real na un otro momento.”

Durante e seremonia Gobernador a bisa entre otro ku e pandemia di Covid a demostrá atrobe ku boluntarionan den nos komunidat ta di un balor inkalkulabel i ku nos sosiedat no por sin nan.

_________________________

Klek aki pa e diskurso di Gobernador di Kòrsou i un resumen di e aktividatnan ku kada un di kondekoradonan ta desplegá i ku a kondusí na nan distinshon.

 

 

Ministerio konserní