Gobièrnu a aprobá proposishon di RDK pa un ‘preferred bidder’ - Informashon tokante Gobièrnu di Kòrsou

Notisia

Ministerio konserní Asuntunan General i Promé Minister
 

Gobièrnu a aprobá proposishon di RDK pa un ‘preferred bidder’

Publiká riba 01 Yüni 2022

Willemstad – Konseho di Minister di Kòrsou a aprobá di forma integral e proposishon di direktor di Refineria di Kòrsou (RDK) pa un ‘preferred bidder’ pa drenta e proseso di negosiashon pa manehá Kòrsou su refineria.

Importante pa Konseho di Minister ta pa e proseso statutario ku ta sigui awor kana según prosedura. Esaki ta enserá  ku lo tin un reunion di akshonista di RDK pa informá tantu Hunta di komisario, komo direktor di RDK di e posishon di Akshonista di RDK.

Gobièrnu di Korsou ta spera ku tur partido envolvi den e trajekto aki por traha huntu, basá riba e desishon aki,  pa yega mas pronto posibel na un operador nobo, pa nos refineria por habri pa produsí kuponan di trabou pa nos pueblo.