Gobièrnu di Kòrsou ta ekspresá solidaridat relashoná ku aksidente trágiko di helikòpter hulandes - Informashon tokante Gobièrnu di Kòrsou Bo opinion

Notisia

Gobièrnu di Kòrsou ta ekspresá solidaridat relashoná ku aksidente trágiko di helikòpter hulandes

Geplaatst op 21 July 2020 dor di Ministerio Asuntunan General i Promé Minister

WILLEMSTAD – Ku profundo tristesa Gobièrnu di Kòrsou a tuma nota di e notisia relashoná ku un helikòpter NH90 di Ministerio di Defensa, ku durante di un patruya di wardakosta a kai den serkania di e kosta di Aruba riba 19 di yüli último.

Gobièrnu ta ekspresá su mas sentido pésame na famia i konosínan di e víktimanan i alabes ta deseá tur miembro di Zr. MS. Groningen hopi forsa ku pèrdida di nan koleganan.

Un karta a bai pa Promé Minister di Hulanda, sr. Mark Rutte, den kua Gabinete Rhuggenaath ta demostrá sintimentu di kompashon na Gobièrnu Hulandes ku e suseso trágiko aki.

Anekso: Karta di kondolensia na Gobièrnu Hulandes

Ministerio konserní