Publiká riba 01 Febrüari 2019
Ku bista riba e retonan komun ku e paisnan autónomo den Reino Kòrsou, Aruba i Sint- Maarten ta enfrentá, pero tambe e oportunidatnan ku tin pa interkambiá konosemento, kolaborá i sostené otro, Promé Ministernan di Kòrsou, Aruba i Sint- Maarten a firma un konbenio (convenant) pa formalisá e reunionnan i kolaborashon tripartit di forma struktural.
Den forma tripartit a trata temanan di interes i importansia kolektivo, manera entre otro;
* optimalisá gobernashon
* Relashonnan den eksterior i den region
* asuntunan legal i di legislashon
* desaroyo sosial-ekonómiko
* i otro areanan di prioridatnan nashonal pa ku desaroyo duradero di e paisnan.
Gobièrnu di Kòrsou ta kere den kolaborashon i den e kaso aki kolaborashon ku nos partnernan den reino i paisnan hermana ku ta Aruba i Sint- Maarten. Riba un dia manera awe por mira e importansia i benefisio di un aliansa fuerte i stratégiko i e convenant aki ta kaba di ankra esaki.
