Gobièrnu ta atvertí pa informashonnan tokante pagonan di NOW inkorekto ku ta sirkulando - Informashon tokante Gobièrnu di Kòrsou Bo opinion

Notisia

Gobièrnu ta atvertí pa informashonnan tokante pagonan di NOW inkorekto ku ta sirkulando

Geplaatst op 24 July 2020 dor di Ministerio Desaroyo Sosial, Labor i Bienestar

WILLEMSTAD – Ministerio di Desaroyo Sosial, Labor i Bienestar a tuma nota di informashon ku ta sirkulando den notisia i retnan sosial, kaminda ta informá komunidat ku di un forma inkorekto e ministerio i su personal ta manehá e fondonan di NOW.

Ministerio di SOAW ta refutá tur e akusashonnan aki i ta konfirmá ku e ministerio ni su personal no tin nada di haber ku pago ni rekuperashon di sèn ku por a bai inkorektamente pa sierto kompania i/òf individuo, ya ku e ministerio na promé lugá no ta ni enkargá ku ehekushon di e areglo di NOW. Seguidamente Ministerio di SOAW ke enfatisá ku na tur momentu ta pèrkurá pa trabounan ku ta konserní e ministerio keda hasí di forma responsabel i íntegro.

Ministerio di SOAW seriamente ta konsiderá pa tuma akshon kontra e akushashonnan falsu aki pa medio di un investigashon via Ministerio Públiko.

Ministerio konserní