Gobièrnu ta duna kuenta i rason na parlamento ku dos dokumento - Informashon tokante Gobièrnu di Kòrsou Bo opinion

Notisia

Gobièrnu ta duna kuenta i rason na parlamento ku dos dokumento

Geplaatst op 21 September 2018 dor di Ministerio Asuntunan General i Promé Minister

WILLEMSTAD – Ministernan di gabinete Rhuggenaath a presentá nan logronan na parlamento despues di un aña di gobernashon den forma di un relato anual. Huntu ku esaki a presentá na Staten tambe un resúmen tokante kiko a lográ abase di e programa di gobernashon ‘2017-2021 Realisá e máksimo potensial di Kòrsou’.

Tabata promé minister Eugene Rhuggenaath mes ku a hiba e relato i e resumen Staten. Señor Rhuggenaath a entregá e dos dokumentonan na vise-presidente di Staten señora Giselle McWilliam. Ku e dos dokumentonan aki gabinete Rhuggenaath ta demonstrá di ta traha transparente i ku Gobièrnu kier informá pueblo di Kòrsou na un manera korekto. 

Relato anual
Ku e relato anual ‘#Huntu relato anual 2017-2018’, Gobièrnu ta demonstrá ku nan a traha riba e meta pa hasi Kòrsou mas miho pa tur hende. Stap pa stap pasando tur ministerio ta wak bèk i anotá diferente punto ku e ministerionan a logra den un aña. Kombatí pobresa tabata un punto di enfoke. E programa di Urgensia, un proyekto piloto, ta kanando den kuater bario.  Ku esaki a drecha kalidat di bida serka e grupo mas vulnerabel. Pa medio di kurso i entrenamentu a kuminsá kombatí pobresa na un manera serio i strukturá. Den e resumen anual tin espasio tambe pa desaroyo ekonómiko, promové merkado laboral i koperashon interministerial. Por lesa e relato anual riba e pagina di web di Gobièrnu di Kòrsou. 

Programa di gobernashon. 
Pa ilustra efisiensa i efektividat di Gobièrnu i hasi esaki transparante a diasidi na momeonto ku a skibi e programa di gobernashon pa hasi uso di e sistema mundial di maneho dirigi riba resultado. Den e programa di gobernashon tin para  pa kada ministerio kiko ta e enfoke pa e kuater añanan binidero ku ta kontribui na resultado pa i impakto riba komunidat. 

E promé resúmen di e programa di gobernashon 2017-2018 ta duna un bista di e aktividatnan ku a kuminsá kuné. Kada unu ligá na e tema ku Gobièrnu a pone den e programa di gobernashon. E resúmen ta trata e periodo te ku aprel 2018. E reúmen aki ta e promé paso pa realisa un manera nobo di duna kuenta i rason i pa kada bes bai mas profundu i ku ta duna un bista riba resultado i impakto. Pe resúmen Gobièrnu a traha ku SOAB. Otro luna ta kuminsa traha riba e siguinte resúmen.

 

Ministerio konserní