Notisia

WILLEMSTAD – Gobièrnu di Kòrsou ta firma akuerdo di maneho (‘beheersovereenkomst’) ku Curaçaose Rooms Katholieke Sportvereniging ‘Jong Holland’ (CRKSV) pa maneho di e lokalidat deportivo na Mundu Nobo.

Resientemente, Ministerio di Enseñansa, Siensia, Kultura i Deporte (ESKD) den koperashon ku Ministerio di Tráfiko, Transporte i Planifikashon Urbano (VVRP) i FDDK a stipulá un maneho nobo pa e forma di atendé ku fasilidatnan deportivo na Kòrsou. Esaki ta enserá ku Gobièrnu ta bai firma akuerdonan di maneho ku e organisashonnan ku keda skohé. Den e kuadro akí, a firma e akuerdo di maneho ku CRKSV Jong Holland.

Minister di ESKSD Sr. Eugene Rhuggenaath i Minister di VVRP Sra. Zita Jesus-Leito, a bishitá e proyekto na Zakito. E proyekto ta enserá instalá e yerba artifisial i pone lus na e fasilidat deportivo. Tambe a risibí informashon i splikashon di e avanse di e proyekto.

Gobièrnu di Kòrsou por último ta felisitá e organisashon i e bario di Mundu Nobo ku e logro akí i ta pidi pa ora e fasilidat ta kla komunidat yuda kuida esaki.

**Riba e potrètnan athunto por tuma nota di e momentu di bishita di Ministernan E.Rhuggenaath huntu ku Z. Jesus-Leito i firmamentu di e akuerdo.

Pa mas potrèt di e aktividat por bishitá: Relato Fotográfiko Akuerdo ku CRKSV